Бұл туралы Шымкент қалалық білім басқармасының басшысы Жанат Тәжиева мәлімдеді.
Оның айтуынша, Шымкент қалалық білім бөліміне қарасты «No1 дарынды балаларға арналған мамандандырылған мектеп-интернатының» 7-сынып оқушысы 2021 жылдың 19 қарашасында түнде емхананың жансақтау бөлімінде қайтыс болған. Дәрігерлер оған жедел жүрек-өкпе жеткіліксіздігі диагнозын қойыпты.
«Баланың туған-туыстары мен жақындарына қайғыларына ортақтасып көңіл айтамыз», - деп Жанат Тәжиева сөз кезегін білім ошағының басшысына берді.
Мектеп директорының айтуынша, 19 қарашада дене шынықтыру сабағында оқушы өзін нашар сезінген. Дене шынықтыру пәнінің мұғалімі оқушыны жеке кабинетіне апарып, мектептің медицина қызметкеріне баланың өзін нашар сезінгенін айтқан. Дәрігер оқушының жағдайымен танысып, жедел жәрдем шақырады. Бұл туралы баланың анасына хабар берілді.
"Жедел жәрдем баланы ауруханаға жеткізді. Бала жансақтау бөліміне жатқызылды. 2021 жылдың 20 қарашасында таңертең анасына телефон соғып, жасөспірімнің жағдайын сұрағанда, ұлы түнде қайтыс болғанын айтты".
