Шымкентте техникалық сараптама негізінде 107 көпқабатты үй апатты деп танылып, оларды бұзу ұсынылды.
Өткен ғасырдың 30-шы жылдары салынған олардың жағдайын төтенше жағдайға дейінгі деп санауға болады.
Әкім орынбасары ең алдымен 1 мамыр көшесіндегі 14 А, Б, 16 А және 20 үйлерді аралады. Үйлердің шатыры тозған, жарықшақпен жабылған қабырғалары опырылып жатыр. Ағаш баспалдақтар өте ескі. Коммуналдық желілер жиі істен шығады.
Тұрғындардың қауіпсіздігі үшін ескі үйді бұзып, жаңасын салу қажет. Аралау кезінде Е.Білісбеков тиісті сала мамандарына шұғыл шаралар қабылдауды тапсырды.
– Тозығы жеткен үйлерді бұзу бағдарламасы тұрғындардың баспаналарын еш шығынсыз жөндеуге мүмкіндік береді. Жылжымайтын мүлік нарығында құны өте төмен ескі үйлер сүріліп, тұрғындардың жаңа заманауи үйге қоныстануына мүмкіндік туды. Ең бастысы, тұрғындардың тілегін ескеріп, олардың келісімімен тозығы жеткен баспанадан көшіру керек. Содан кейін ғана тозығы жеткен үйлерді бұзып, орнына жаңа үйлер салу. Тұрғындар уақытша баспанамен қамтамасыз етіледі, содан кейін ғана олар жаңа баспанаға көшеді немесе оларға өз баспаналаррының құнымен теңестірілген пәтерлер беріледі. Соның нәтижесінде қаланың сәулеттік келбеті де жақсарады, – деді Ерғали Дәулетбекұлы.
Бүгінде бұл кәсіпке инвесторлар тарту жоспарлануда. Пилоттық жоба аясында Гагарин көшесіндегі No112 үй, 1 Май көшесіндегі No29 үй, Ш.Қалдаяқов көшесінің бойындағы No35 үй жанындағы ғимаратқа дайындық жұмыстары басталды.
Бірқатар үйлерге жаңғырту жұмыстары жүргізілуде. Мәселен, Володарского көшесіндегі 7-үйдің тұрғындары жаңғыртуға келісті. Жиын барысында тұрғындар қала әкімінің орынбасарына өз тілектері мен өтініштерін айтты.
