Шымкент маңында қыс маусымында 123 эвакуациялау пункті орналастырылады

08 қараша, 18:07

Бұл туралы Шымкент қалалық Төтенше жағдайлар департаменті хабарлады

Қажет болған жағдайда 123 эвакуациялық пункт әзірлікке қойылып, соның негізінде азық-түлікпен қамтамасыз ету пункттері жұмыс істейтін болады. Шымкентте арнайы қызметтердің қысқы кезеңге дайындығын тексерді. Бұл шолу төтенше жағдай кезіндегі авариялық-құтқару жұмыстарына дайындықты, инертті материал мен жанар-жағармайдың қорын, жабдықтың техникалық жай-күйі мен жұмысқа жарамдылығын анықтауға мүмкіндік берді.

Қаланың төтенше жағдайларына өрт сөндіру және авариялық-құтқару жұмыстары қызметінің 15 бірлігі мен жеке құрамынан 105 адам, апаттық медицина орталығының 4 бірлігі мен 11 адамы және Казсельезащитаның 10 бірлігі мен 11 адамы жұмылдырылған. Ауа райы нашарлаған кезде қалалық полиция үш бағытта: Алматы, Ташкент және Қызылорда бағытында көлік қозғалысын тоқтатуға дайын.