Шымкентте 2021 жылдың басынан бері жасанды алкоголь өнімдерін шығаратын жасырын цехтар ұйымдастырған 12 тұлғаның (2020 жылы – 8) заңсыз әрекетінің жолы кесілді, бұл туралы қалалық Экономикалық тергеу департаментінде өткен брифингте белгілі болды.
Ағымдағы жылы көлеңкелі айналымнан 20 мыңнан астам (2020 жылы – 9 есе аз) бөтелке дайын контрафактілік алкогольдік өнім, 3 мың литрден астам алкоголь өнімі, 20 мыңға жуық жалған тіркеу-бақылау маркалары алынды.
Бөлім қызметкерлері сот орындаушыларымен бірлесіп, сот үкімдері бойынша атқару парақтары негізінде мемлекет кірісіне 70 мыңнан астам бөтелке алкоголь өнімін берді.
9 мыңға жуық бөтелке контрафактілік тауар, 75 литр алкоголь, 2 мыңнан астам бос бөтелке, 21 орам этикетка, 5 қорап қақпақ, 17 орам УКМ, сондай-ақ жасырын цехтарда суррогат жасау үшін пайдаланылған басқа да заттар анықталды. жойылды.
Жалпы, 2021 жылдың басынан этил спирті мен алкогольді өнімдердің көлеңкелі айналымы нәтижесінде мемлекетке төленбеген салық түріндегі 11 млн теңгеден астам (2020 жылы – 3 735 000 теңге) залал келтірілген.
Этил спирті мен контрафактілік алкогольдік сусындардың көлеңкелі айналымы нәтижесінде мемлекетке ғана емес, ең алдымен адам денсаулығына зиян келтірілуде.
Қалалық денсаулық сақтау басқармасының ақпаратына сәйкес, 2020 жылы алкогольден улану салдарынан 200 адам қайтыс болды. Биыл, өкінішке орай, қайтыс болғандар саны 240 адамға дейін өсті.
Мамандар барлық азаматтарға контрафактілік алкогольдік өнімдерді дайындау бойынша жасырын цехтарды ұйымдастыру фактілері туралы Департаменттің өзіне немесе 77 14 48 сенім телефоны арқылы хабарлауды сұрайды.
