26 қараша күні сағат 00-ден бастап Шымкент жолдарында орнатылған камералар құқық бұзушылықтарды тіркей бастады.
«Шымкент қаласында қауіпсіздікті жақсарту мақсатында осы түннен бастап, яғни 26 қараша күні сағат 00:00-ден бастап 3177 жаңа «Сергек» бейнекамералары жұмысын бастайды», - делінген Шымкент әкімдігінің хабарламасында.
Сондай-ақ, бұл камералар рұқсат етілген жылдамдық режимдерін бұзу, жол белгілерін сақтамау, тоқтау сызығын кесіп өту, тыйым салынған бағдаршам белгісімен жүру фактілерін тіркейтіні хабарланды
«Осыған орай, жол қозғалысы ережелерін сақтап, жол-көлік оқиғаларының алдын алуға өз үлестеріңізді қосуларыңызды сұраймыз», - деп жергілікті биліктен барлық қала жүргізушілеріне шақырады.
