Үшінші мегаполис әкімі Мұрат Айтенов Шымкенттегі аудандарды абаттандыру жұмыстарымен танысты.
Абай ауданында 453 көпқабатты тұрғын үй 258 аулаға біріктірілген. Соңғы жеті жылда 222 аула абаттандырылды, 56 спорт алаңы салынды. Биылғы жылы 21 көпқабатты тұрғын үй ауласын абаттандыруға, 12 спорт алаңын ағымдағы жөндеуден өткізуге, 35 спорт алаңын орнатуға қаржы бөлінді.
Нысандар жыл соңына дейін толық пайдалануға беріледі. Сонымен қатар, «Шымкент Қайырымды Қала» қорының демеушілігі арқасында 4 спорт алаңы орнатылды.
2022 жылы 15 ауланы абаттандыру, 50 спорт алаңын салу жоспарда бар..
Қала басшысы бұқаралық спортты дамыту салауатты да саналы ұрпақты қалыптастыратынын айтып, салауатты өмір салтын ұстануға шақырды.
