Құрметті Шымкент қаласының тұрғындары!
Шымкент қаласының Төтенше жағдайлар департаменті ауа райының нашарлауына байланысты қала тұрғындарын аса сақ болуға шақырады.
Синоптиктердің мәліметінше, 2021 жылдың 17 қарашасында желдің 25 м/с-қа дейін күшеюі туралы дауылды ескерту жарияланған. Сонымен қатар, 18 қарашада қалада қатты жаңбыр жауып, қар жауады деп күтілуде.
Құрметті көлік иелері мен жаяу жүргіншілер! Қолайсыз ауа-райында жолдарда өте сақ және мұқият болыңыз.
Жел күшейген кезде азаматтарға ұсыныстар.
Жел күшейген кезде ғимараттардан шығуды шектеуді ұсынамыз. Балаларды ерекше бақылауға алып, оларды қараусыз қалдырмау маңызды.
Көшеде қатты жел соғып қалса, жер асты өткелдеріне немесе ғимараттың кіреберістеріне тығылуды ұсынамыз. Үйлердің қабырғаларына жақын жерде қатты желден жасыруға болмайды, өйткені шатырлардан шифер және басқа шатыр материалдары құлап кетуі мүмкін. Қоғамдық көлік аялдамаларына, билбордтарға, ағаштарға, құрылысы аяқталмаған ғимараттарға да солай.
Қатты жел кезінде электр сымдарының астында тұру және үзілген электр сымдарына жақындау өлімге әкеледі.
Егер елдімекеннен шығып кеткен болсаңыз, көліктен түсіп, жолдың шұңқырын паналағаныңыз абзал. Қалада сіз дереу көлікті, автобусты, трамвайды тастап, жақын жердегі баспанаға, жер асты өткеліне немесе жертөлеге тығылуыңыз керек.
Шымкент қаласы Төтенше жағдайлар министрлігінің қоғаммен байланыс тобы
