EXPO Dubai-2020 халықаралық көрмесінде Шымкент күндерінің ресми ашылуы өтті. Үш күн ішінде Шымкенттің мәдени-рухани құндылықтары, инвестициялық және туристік мүмкіндіктері таныстырылады.
Шараға сондай-ақ Шымкент қаласы әкімінің орынбасары Айбек Сәттібаев, қалалық мәслихаттың хатшысы Бахадыр Нарымбетов, Қазақстанның БАӘ-дегі елшісі Мадияр Меңілбеков, депутаттар, бір топ бизнес-қоғамдастықтың делегациясы қатысып, қонақтарды қаланың ерекшеліктерімен таныстырды.
Ашылу салтанатында белгілі опера әншісі Майра Мұхамедқызы өнер көрсетті. Павильон қонақтары Қазақстанның түрлі қалаларын аралауға ниет білдірді.
