08 қазан, 23:34
2023 жылдың соңына дейін Шымкент сумен қамтамасыз етіледі. Жыл соңына дейін 3 магистральдық, 11 орамішілік сумен жабдықтау желілерінің құрылысы аяқталады. Қазіргі уақытта шалғайдағы елді мекендерді сумен қамтамасыз ету толық қарқынмен жүргізілуде.
Құрылысшылар Алматы тас жолының бойындағы бұл су құбырын – сумен жабдықтаудың негізгі артериясы деп атайды, оның кепілдігі 100 жылды құрайды. Бұл магистральда бүгінгі күні цистерналармен жеткізілетін су жүргізілетін болады.
Бұл учаскеде құрылыс компаниясы жұмыс істеп жатыр, олар жаңа құбырлар салып қана қоймай, сумен жабдықтау желісін жаңарту бойынша жұмыстар жүргізілуде. Осы мақсатта бюджеттен қаражат бөлінді. УВИК компаниясының басшылығы барлық жұмыстар белгіленген мерзімде аяқталатынына сендірді.
«Қаланың бірнеше шағын ауданында біздің компания сумен жабдықтау желілерін жаңартуда, сондай-ақ, біз бұрын болмаған жаңа құбырларды қойып жатырмыз. Мемлекет тарапынан сумен жабдықтау жағдайын реттеу үшін, тұрғындар таза әрі үзіліссіз су ішуі үшін қаражат бөлінді», - дейді «УВИК» мемлекеттік кәсіпорнының директоры Нұрғали Қосмұратов.
Шымкентте 2023 жылға дейін тағы да үш ірі елді мекенде қосымша сумен жабдықтау жүйесі іске асырылады.
2023 жылы үшінші мегаполисте ауыз су мәселесі толығымен шешілетін болады.
