Сыбайлас жемқорлыққа қарсы қызмет төрағасы Марат Ахметжановтың Шымкент қаласына жұмыс сапары аясында қала әкімі Мұрат Айтеновтың қатысуымен сыбайлас жемқорлыққа қарсы іс-қимыл мәселелері бойынша кеңейтілген кеңес өтті.
Іс-шара мемлекет және құқық қорғау органдарының басшылары, депутаттар, саяси партиялар, этномәдени бірлестіктер және жұртшылық өкілдерінің қатысуымен өтті.
Кездесу барысында Марат Ахметжанов әзірленген Қазақстан Республикасының 2022-2026 жылдарға арналған сыбайлас жемқорлыққа қарсы саясатының тұжырымдамасына тоқталды.
Оның айтуынша, Тұжырымдаманың бірі - негізсіз баю және шығыстардың кірістен асып кетуі үшін жауапкершілікті енгізу. Бұл қазірдің өзінде қаржылық аудиттің басталуының белгісі болады.
Ведомства басшысының айтуынша, 2019 жылдан бері қалада жыл сайын 100-ден астам сыбайлас жемқорлық қылмысы тіркеліп, 70-тен астам лауазымды тұлға қылмыстық жауапкершілікке тартылған. Биылдың өзінде 42 адам сотталған.
Сонымен қатар жиын барысында облыста ағымдағы жылдың 10 айында сыбайлас жемқорлыққа қарсы іс-қимыл бойынша атқарылған жұмыстардың қорытындысы қаралды.
Шара соңында қала басшысы Мұрат Әйтенов сыбайлас жемқорлықтың алдын алу және оған қарсы тұру бағытында атқарылып жатқан жұмыстар туралы хабардар етіп, бірқатар тапсырмалар да берді.
