Мәселені шешуге «Атамекен» ҰКП мен ҚР Ауыл шаруашылығы министрлігі атсалысуда
Шымкент қаласының омарташылары қисынсыз жағдайға тап болды. Биылғы жазда Ауыл шаруашылығы министрлігінің жаңа бұйрығы («Асыл тұқымды мал шаруашылығын дамытуды, мал шаруашылығы өнімдерінің өнімділігі мен сапасын арттыруды субсидиялау ережесін бекіту туралы» № 207) омарташыларға жаңа талаптар енгізілді. Енді омарташылар субсидия алу үшін Субсидиялау ақпараттық жүйесіне (СБЖ) шаруашылықтың есеп дәптерлерінен скриншоттардың көшірмелерін орналастыруы керек.
Бірақ Шымкент қаласында тіркелген омарта шаруашылығымен айналысатын шаруашылықтар мұны істей алмайды. Өйткені Шымкент қаласында, кент, ауыл, ауылдық округ әкімдерінде мұндай дәптер жоқ. Шымкенттік омарташылар да жоғарыда аталған талаптың екінші бөлігін – 24СК статистикалық нысанынан үзінді-көшірме беруді орындай алмайды, өйткені бал ара шаруашылығы жеке кәсіпкер ретінде тіркелген, ал бұл есеп формасы жеке кәсіпкерлерге берілмейді.
Жаңа тәртіптің тағы бір орындалмайтын талабы бар - әрбір шаруашылық тіркеу нөмірін алуы керек. Ол үшін аумақтық инспекцияға өтініш беру керек. Бұл жағдайда өндіріс орны орналасқан мүліктің кадастрлық нөмірін көрсету қажет.\
«Бұл мүмкін емес, өйткені омарта шаруашылығы көшпелі кәсіп. Барлық шаруа қожалықтары заңды түрде Шымкент қаласында тіркелген, ал омарталар Түркістан облысының аудандарында орналасқан және көшпелі шаруашылық болып табылады, сондықтан омарта шаруашылығын құруға жер пайдалану құқығы ресімделмеген. Сондықтан, ветеринариялық бақылау және қадағалау комитетінің Шымкент қаласы бойынша аумақтық инспекциясы бізге тіркеу нөмірін беруден бас тартып отыр», – деп ашуланады омарташылар.
Субсидия алуға өтінім беру мерзімі ағымдағы жылдың 20 желтоқсанында аяқталады. Осы ретте омарташылар қайтпек керек?
Мәселені шешумен құзырлы мекемелер айналысуда.
