Алдағы қыста қаладағы 315 көше мен автомобиль жолдарын 684 арнайы техника қардан тазартады. Мамандардың айтуынша, арнайы техника 100 пайыз дайын.
Айтпақшы, биыл автопарк жаңа арнайы көліктермен толықты – Шымкентке 32 өрт сөндіру және 21 қар тазалау техникасы әкелінді. Шаһарда қардан тазартуға барлығы 684 техника мен 1900-ден астам жұмысшы жұмылдырылады.
Мамандардың айтуынша, биылғы қыс автокөліктерге сынақ болмақ. Апаттың алдын алу үшін жолдар реагенттермен өңделеді. Қала инертті материалдар қорымен қамтамасыз етілген.
«Бүгінгі таңда барлық техника тапсырмаларды орындауға дайын. Бұл ретте техника жаңартылды, жаңа заманауи КамАЗ көліктері алынды. Сондай-ақ биылғы жылға 5000 тоннадан астам тұз, 22000 текше метр құм жоспарланып, бұл материалдар толықтырылады», - дейді Шымкент қалалық Төтенше жағдайлар департаменті бастығының орынбасары Жәнібек Кәрімбаев.
Айтпақшы, Шымкент әкімшілігінің бір талабы – барлық тапсырмаларды мүлтіксіз орындау. Энергетиктер де, дәрігерлер де, жолшылар да, қаланы жылумен қамтамасыз етушілер де бәрі де маржамен болуы керек. Қалай болғанда да, алдымызда қандай қыс күтіп тұрғанын ешкім білмейді.
