Әл-Фараби ауданындағы аулаларды абаттандыруға 145 миллион теңге бөлінді. Жұмыстың сапасы Әл-Фараби ауданының әкімі мен қалалық мәслихат депутаты Әйгерім Жұмақұлованың бақылауында.
«Балаларға арналған ойын алаңдары, сонымен қатар абаттандыру жұмыстары жүргізілген. Әр аулада екі беседка, кіреберістердің алдына брусчатка, орындықтар, қоқыс жәшіктері қойылған. Сондай-ақ бұл аулада стрит воркауттар ұйымдастырылады. Өздеріңіз де байқағандарыңыздай, тұрғындардың көңілінен шықты. Басқа күні аяқталатын кейбір кемшіліктер бар. Жалпы, барлығы игерілді, 9 аулаға 145 миллион қаралды, мердігер игерді», - деді Әл-Фараби ауданының әкімі Рашид Мыңбаев.
Тұрғындар үшін беседкалар мен орындықтар орнатылды. Балалардың қуанышына – әткеншек пен сырғанақ, спорт әуесқойлары үшін – тренажерлар. Бір ауланың тұрғыны оларда бұрын урна да болмағанын айтады.
«Ең алдымен басшылыққа алғыс айтқым келеді. Бізге ойын алаңын, спорт алаңын, сапалы 3 беседка, көптеген орындықтар орнатты. Қоқыс салатын арнайы шелектер болған жоқ, 13 жылдан бері тұрамыз, бірінші рет пайда болды. Балаларымыз бақытты, бәрі тамаша. Осының бәрін жасаған жігіттерге рахмет », - деді жергілікті тұрғын.
Ойын алаңдарының кепілдік мерзімі - 2 жыл. Осы уақыт ішінде олқылықтар орын алса, мердігерлер оларды өз қаражатына жөдейді.
