«Азаматтарға арналған үкіметтің» Шымкент қалалық бөлімшесі әскери билетті жоғалтқан жағдайда қалай тез қалпына келтіруге болатынын айтып берді. Оны екі жолмен қалпына келтіруге болады:
- eGov порталы арқылы немесе ХҚО-ға хабарласу.
eGov арқылы әскери билетті қалпына келтіру үшін порталда авторизациядан өтіп, «Офицерлерге, сержанттарға, запастағы сарбаздарға әскери билеттерді немесе олардың телнұсқаларын (әскери билеттің орнына уақытша куәліктер) беру» қызметін табу қажет. Содан кейін «қызметтерге онлайн тапсырыс беру» пәрменін басып, арнайы өтінімді толтырыңыз, оған ЭСҚ немесе SMS құпия сөзі арқылы қол қою қажет.
Қызмет тегін. Көрсету мерзімі 5-тен 7 жұмыс күніне дейін.
Егер сіз «әскери адамды» ХҚО арқылы қалпына келтіруді шешсеңіз, онда сізге құжаттар тізімін жинау қажет болады. Қандай құжаттар қажет екенін ХҚО кеңесшілерінен немесе 1414 телефоны арқылы білуге болады.
Қызмет көрсету мерзімі - 10 жұмыс күні.
ХҚО-ға хабарласқан кезде міндетті түрде 3х4 фотосуреті болуы керек, фотосурет өтініш берушінің жасына сәйкес келуі және ашық фонда қатаң түрде толық бетімен жасалуы керек. Бет фотосуреттің жалпы ауданының шамамен 70% алуы керек.
2021 жылдың басынан бері Шымкент қаласының халыққа қызмет көрсету орталықтары арқылы 900 әскери билет берілді.
