8 қарашадан бастап Шымкентте «Шаңырақ» бағдарламасы аясында Тұран-2 шағынауданында орналасқан тұрғын үйлердегі пәтерлерді тікелей сату басталды. «Отбасы банкі» жариялаған ақпаратқа сәйкес, пәтердің 1 шаршы метрі (әрлеусіз) 200 000 теңге. Пәтерлердің жалпы саны – 305, оның ішінде 136 - 1 бөлмелі, 147 - 2 бөлмелі, 22 - 3 бөлмелі пәтер.
Жобаға сәйкес, бұл тұрғын үйлердегі пәтерлердің құны келесідей:
1 бөлмелі пәтер - 8 508 000 теңгеге дейін;
2 бөлмелі пәтер - 12 438 000 теңгеге дейін;
3 бөлмелі пәтер - 15 548 000 теңгеге дейін.
Несиелік баспанаға қол жеткізгісі келетін азаматтардың өтініштері ағымдағы жылдың 8-18 қарашасы аралығында otbasybank.kz сайтында қабылданады.
Бағдарлама бойынша бастапқы төлем пәтер құнының 10 пайызын құрайды. Несие жылдық 5 пайызбен беріледі. Несие мерзімі – 20 жылға дейін. Несиенің максималды сомасы – 15 миллион теңге.
Еске салайық, бұл бағдарламаға тек баспана кезегінде тұрған банк салымшылары ғана өтініш бере алады.
