Шымкентте қала әкімінің тапсырмасымен Үкімет қаулысымен бекітілген әлеуметтік маңызы бар 19 азық-түлік тауарларына тұрақты негізде мониторинг жүргізілуде. Өңірлер арасында баға өсімі бойынша Шымкент-6-8 орын. Жалпы, қалада азық-түлік өнімдерінен тапшылық жоқ.
Бірқатар әлеуметтік маңызы бар азық-түлік тауарларының бағасы өндіріс шығындарының өсуіне және өндірісте пайдаланылатын шикізат бағасының өсуіне байланысты көтерілді.
Мәселен, қырыққабат 2 тг/кг-ға (116-дан 118 тг/кг-ға), макарон- 3 тг/кг (190-нан 193 тг/кг-ға), түйіршіктелген қант - 2 тг/кг (297-ден 299 тг/кг-ға) дейін қымбаттады. Бірінші сұрыпты ұн – 1 тг/кг (168-ден 169 тг/кг-ға дейін) көтерілді.
Облыстық тұрақтандыру қорына жергілікті бюджет есебінен 5,7 млрд теңге бөлінді, 5,4 млрд теңге қарыз қаражат ретінде ірі сауда желілеріне, жергілікті тауар өндірушілер мен кәсіпкерлік субъектілеріне аударылды. Ірі бөлшек сауда желілеріне Gramad, Firkan, Magnum Cash & Carry кіреді.
Кәсіпкерлік субъектілерімен жасалған шарттар негізінде әлеуметтік маңызы бар азық-түлік тауарлары белгіленген бағамен сатылуда, қала тұрғындары ең қажетті азық-түлік өнімдерін қала аумағында орналасқан сауда орындарынан нарық бағасынан төмен бағамен сатып алады.
Қалада бағаны тұрақтандыру мақсатында бірқатар шаралар жүзеге асырылуда:
- жылжымалы әлеуметтік пункттер 3 жерден жұмыс істейді;
- апта сайын азық-түлік жәрмеңкелері өткізіледі;
- әлеуметтік дүкен бар;
- азық-түлік бағасының негізсіз өсуіне жол бермеу үшін ірі сауда желілерімен, азық-түлік базарларымен және жергілікті тауар өндірушілермен 14 екіжақты меморандумға қол қойылды;
- делдалдық схемаларды қарастыратын арнайы комиссия құрылды.
