05 тамыз, 14:25
Шымкентте көктемнен бастап ағаштарды зиянкестерден қорғау жұмыстары жүргізілді. Бұл қарағашты ауа-райы жылығаннан жей бастайтын зиянкестерден қорғау мақсатында жасалады. Айта кетейік, биыл тамыз айында жолақты қоңыздар саябақтарға, алаңдарға және аулаларға шабуыл жасады. Олар қаланың жасыл желектеріне айтарлықтай зиян келтірді. Ал мамандар өңдеудің екінші кезеңін аяқтады. Бірақ зиянкестерден құтылу оңайға соқпай отыр.
Жалпы, қаланың 125 гектар аумағында Қарағашты «Имидор», «Омайт», «Энгин» дәрілерімен өңдеу жұмыстары жүргізілуде. Оның ішінде саябақтардың 28 гектары, Абай ауданының - 20 гектары, Әл-Фараби ауданының - 25 гектары, Еңбекші ауданының - 23 гектары, Қаратау ауданының - 29 гектары тазаланды.
Ал кейбір тұрғындар мұны халықтың денсаулығына зиян келтіру мақсатында жасалған жұмыс ретінде қабылдап, мамандарды айыптауда.
Мамандардың айтуынша, зиянкестерге арналған дәрі-дәрмектер адамдарға әсерін тигізбейді. Қоңыздар адамдарға аса қауіпті болмағанмен, жасыл желектерге айтарлықтай зиян келтіреді. Уақытында шара қолданылмаса, мегаполис кепкен қарағаш қаласына айналуы мүмкін.
Ағаштарды өңдеу жұмыстары күздің соңына дейін жалғасады.
Егер аулаңызда ағаштың зиянкестермен зақымданғанын байқасаңыз, жергілікті әкімдікке мына телефон нөмірлері арқылы хабарласыңыз:
Әл-Фараби ауданы: 54-58-46
Еңбекші ауданы: 53-27-43
Қаратау ауданы: 77-45-64
Абай ауданы: 53-03-16
