Шымкентте еріктілер күні аталып өтілді.
«Нұр Отан» партиясы Шымкент қалалық филиалының мәжіліс залында 2021 жылдың үздік еріктілеріне құрмет көрсетілді. «Мобил плюс Көмек» қайырымдылық қоры ұйымдастырған шараға белсенділер, қор серіктестері және қор қамқорлығындағы отбасы мүшелері қатысты.
Шымкент қаласы әкімінің бірінші орынбасары Шыңғыс Мұқан еріктілерге қайырымдылық істері үшін алғысын білдірді.
Марапатталғандар қатарында үш баланың анасы Диана Бауыржанқызы да бар. Ол мұқтаж отбасыларға, ата-анасының қамқорлығынсыз қалған балаларға және мүмкіндігі шектеулі азаматтарға жан-жақты қолдау көрсетуге әрқашан дайын.
«Мобил плюс Көмек» қайырымдылық қоры қолдауды қажет ететін азаматтарға қамқорлық танытатын волонтерлерге де бір көңіл бөліп, құттықтауға шешім қабылдады. Қордың үздік серіктес-еріктілері марапатталды, сондай-ақ көп балалы аналарға да сыйлықтар табыс етілді.
Mobil Plus-тегі еріктілер қозғалысы 2015 жылдан бері жұмыс жасауда. Компания алты жылдан бері қайырымдылық шараларын жүргізіп келеді. Белсенділер көп балалы аналарға, зейнеткерлерге, мүмкіндігі шектеулі балаларды тәрбиелеп отырған отбасыларға жалпы сомасы 100 миллион теңгеден астам материалдық көмек көрсеткен.
Волонтерлік қозғалыс «Мобиль плюс Көмек» қайырымдылық қорының құрылуына мұрындық болды. Осындай қысқа мерзім ішінде Қор «Балалық шақ аллеясы», «Мектепке жол », «Әлем балалар көзімен» атты акцияларымен танымал. Тұрғын үйді күрделі жөндеуге, тұрмыстық техника мен азық-түлік себетін алуға, жиһаз, дәрі-дәрмек сатып алуға және емделуге мұқтаж жандарға көмек көрсету жалғасады.
