Ел Тәуелсіздігінің 30 жылдығына орай "Жүлдызды 30 күн" акциясы өтуде. Соның аясында Шымкент мемлекеттік дендрологиялық саябағында «Бұқаралық жарыс» спорттық шарасы өтті.
Жарысқа қала тұрғындары, спартакиада жүлдегерлері, дене шынықтыру және спорт бөлімі мен басқармаға қарасты спорт мекемелерінің қызметкерлері, барлығы 400-ге жуық адам қатысты.
Барлық санитарлық талаптар сақталғаны хабарланды.
Бірінші болып Шымкент қалалық ұлттық және ат спорты түрлерінен кешенді спорт клубының жаттықтырушысы Бақдәулет Рисабеков мәреге жетті.
Мәреге жеткен қатысушылар Тәуелсіздік күні мерекесі қарсаңында дипломдармен және алғыс хаттармен марапатталды.
