Шымкентте жыл басынан бері 5 мыңға жуық әйел озбыр күйеуінің үстінен шағым түсірген. Отбасылық жанжал кезінде заңсыз әрекетке барған 196 ер адам жауапкершілікке тартылды. Үш жарым мыңнан астам әйел қорғау ордерлерін алды, оның 25-і дағдарыс орталықтарына орналастырылды.
Соған қарамастан, соңғы уақытта ұрып-соғу және денсаулыққа қасақана жеңіл зиян келтіру қылмыстық құқық бұзушылық санатынан алынып тасталды. Бұл олардың анықтау мүмкіндігін арттыруға мүмкіндік берді. Бұрын жылына 700 факті тіркелсе, қазір 20 мыңға дейін жетті.
Көбінесе тұрмыстық зорлық-зомбылық туралы сөз қозғалса, әйелдер физикалық күшті еске алады. Алайда, физикалық зорлық-зомбылықпен қатар, моральдық зорлық-зомбылық кем емес. Оны әйелдер өте қиын бастан кешіреді.
Айта кетейік, жыл басынан бері Қазақстан полициясына тұрмыстық зорлық-зомбылық туралы 125 мыңнан астам арыз бен хабарлама келіп түскен. Бұл бір жыл бұрынғыдан 5 мың жағдайға аз. Ұлттық қоғамдық сенім кеңесінің отырысында Қазақстан президенті мұндай істерге жауапкершілікті күшейтуді тапсырды.
