Қала тұрғындары мемлекеттік тіркеудің заңсыз әдістеріне жиі жүгінеді - олар белгілі бір ақыға құжаттарды жинаудың барлық мәселелерін өз мойнына алуға дайын «көмекшілерді» табады. Бірақ дәл осы көмекшілер ізін суытқанда ғана тәртіп бұзған адамдар полицияға жүгінеді.
Мемлекеттен жәрдемақы алуды жоспарлаған шымкенттік тұрғынмен осылай болды. Бірақ неге екені белгісіз, ол төлем орталығына немесе әлеуметтік қамсыздандыру бөліміне хабарласудың орнына «көмекке» жүгініп, тіпті 50 000 теңгесін де берген. Ал, алданып қалғанын білген соң, полицияға арызданған.
Жәбірленушінің өтініші бойынша жедел іздестіру тобы құрылды. Тәртіп сақшылары күдіктіні тез арада анықтады, ол жәбірленушінің танысы болып шығып, оны полиция бөлімшесіне алып кетті. Алаяқ досынан алған ақшаны жеке қажеттіліктеріне жұмсағанын айтты.
Қазір сотқа дейінгі тергеу амалдары жүргізіліп, ұсталған азаматтың осыған ұқсас басқа да қылмыстарға қатысы бар-жоғы тексерілуде.
Қалай болғанда да, полицейлер мұндай заңсыз әдіспен мемлекеттік рұқсат қағазын беруге тырыспауға, тіпті, ақшаңызды ешкімге бермеуге шақырады.
