2021 жылға арналған «Асыл тұқымды мал шаруашылығын дамытуды, мал шаруашылығы өнімдерінің өнімділігі мен сапасын арттыруды субсидиялау» бағдарламасы бойынша ауыл шаруашылығы тауарын өндірушілердің асыл тұқымды ірі қара, қой, ұсақ мал басына жем-шөп сатып алуға шығындарын азайтуға қажетті қаржы көлемі белгіленді. Жергілікті бюджет есебінен 248,0 млн.теңге қаралып, қала әкімі қаулысының жобасы дайындалуда.
Қала аумағында құрғақшылықтан қорғауды жақсарту мақсатында шаруа қожалықтарымен бірлескен жұмыстар жүргізілуде.
«Қасқасу-С» шаруа қожалығында мал азықтық дақылдарды егу кезінде тамшылатып суару әдісімен жылына 4 рет өнім алмақ. Шетелдік тәжірибені пайдалана отырып, оларды егу үшін топырақ құрамын алдын ала зерттеу жүргізіледі.
Сонымен қатар, аталған шаруашылықтың негізінде нәрлі жемді гидропониялық әдіспен жинау жоспарлануда.
