Шымкент полицейлері қала тұрғынының қалтасына түскен әйелді ұстады.
Шымкент қалалық ІІБ Абай аудандық ішкі істер бекетіне жергілікті тұрғын арызданған. Оның айтуынша, 2020 жылдың желтоқсан айында оның танысы жеңілдетілген бағдарламамен 3 000 000 теңге көлемінде грант алып беруге уәде еткен. Есесіне қызметі үшін 300 000 теңге алған. Бір жыл өтті, ақша да жоқ, әлгі танысы да жоқ.
Полицейлер бұл фактіні Қылмыстық кодекстің 190-бабы «Алаяқтық» бойынша тіркеді. Тәжірибелі полиция қызметкерлерінен жасақталған жедел тергеу тобы алаяқты қолға түсіру үшін қажетті шараларды жасады. Куәгерлерден жауап алу кезінде, жиналған дереккөздерге сәйкес, күдіктінің жеке басы анықталды. Ол Абай аудандық полиция бөліміне жеткізілді. Ол жергілікті тұрғын болып шықты. Ал алаяқтық жолмен тапқан ақшаны өз қажеттіліктеріне жұмсаған.
Қазіргі уақытта күдіктіге қатысты сотқа дейінгі тергеу амалдары жүргізілуде.
