Риддердегі жылу электр орталығындағы екінші және үшінші қазандықтар бірте-бірте оңтайлы температура теңгеріміне әкеледі, деп хабарлайды Elitar.kz «Хабар 24» арнасына сілтеме жасап.
Қазір жылу желілеріндегі қуат рұқсат етілген 70-тен 40 градусқа жетті.
Қалпына келтіру жұмыстары тәулік бойы жалғасуда. Жергілікті энергетиктерге көмекке Риддер тау-кен байыту комбинатының мамандары келді. Олар 1-ші және 6-шы қазандықтарды жөндеп жатыр.
Облыстық жедел штаб мамандары да Риддерде жұмыс істеуде. Шығыс Қазақстан облысының әкімі Даниал Ахметовтың айтуынша, 9 қарашаға дейін жылу электр орталығының жұмысы қалпына келтіріледі.
Сондай-ақ ол жылу электр орталығы басшылығының жылу беру маусымына дайын болмағанын айтып, стратегиялық нысанды коммуналдық меншікке беруді талап етіп, барлығын жылу орталығы жабдықтарының 86 пайызға тозғандығымен түсіндірді. Бұл ретте станция бірнеше жылдан бері күрделі жөндеу көрмеген.
ШҚО әкімі Даниал Ахметов "Өкінішке орай, станция басшылығы өз меншігіндегі нысанға үстірт көзқарас танытты дер едім. Жөндеу жұмыстары тиімсіз жүргізілді. Әрине, біз бұл жағдайға бей-жай қарай алмайтынымызды түсінеміз. Бұл станцияны коммуналдық меншікке қайтаруға қатысты мәселені қарастырып жатырмыз" деп жағдайға қатысты пікірін білдірді.
