Талдықорғандағы ірі жылу желілерінің бірінде болған апат тұрғындарды күні бойы жылусыз қалдырды. Ақпаратты Жетісу аудандық тұрғын үй-коммуналдық шаруашылық басқармасы растады, деп хабарлайды Elitar.kz Orda.kz сайтына сілтеме жасап.
85 тұрғын үй мен 12 бюджеттік мекеме жылусыз қалды. Желтоқсан көшесінің бойындағы жылу трассасында 11 қарашада таңғы сағат 9-да орын алған апат 10 сағаттан кейін жойылды.
"Барлық қалпына келтіру жұмыстары аяқталды. Құбырларға су жеткізілуде. Бригада түні бойы жұмыс істейді. Біз барлық нысандарды, бірінші кезекте, ауруханалар мен тұрғын үйлерді қосамыз. Өздеріңіз білесіздер, кейбір құбырларда ауа ішке кіруі мүмкін, ол жерден ауаны сорып алу керек», - деді облыстық тұрғын үй-коммуналдық шаруашылық басқармасы басшысының орынбасары Данияр Ысқақов.
Өз кезегінде Талдықорған қаласының облыстық балалар ауруханасының емделушілеріне ғимаратта түн салқын болатыны ескертіліп, барынша жылы киінуге кеңес берілді. Бұл 11 қарашада болған оқиға.
Қарашаның 12-сі күні таңертең белгілі болғандай, Талдықорғандағы үш аурухананың науқастары әлі күнге дейін палаталарда тоңып жатыр.
Облыстық, балалар және көп бейінді ауруханалардың емделушілері палаталарда тоңып жатқандарын айтып шағымдануда. Тоңып қалмас үшін балаларды киіндіріп, орап алу керек дейді. Мұның бәрі бір күн бұрын қаладағы негізгі жылу магистралінің бірінде болған апаттың кесірінен орын алған жағдай. 85 тұрғын үй мен 12 бюджеттік мекеме жылусыз қалды.
Шенеуніктер барлық нысандарды түнде қосуды жоспарлаған, алайда осы сағатқа дейін кейбір мекемелер әлі де жылусыз отыр. Жетісу аудандық тұрғын үй-коммуналдық шаруашылық басқармасы оқиға орнында жедел топтардың жұмыс істеп жатқанын хабарлады.
«Қазір сол жерге қайтадан бригада жібердім, барлығын тексереді. Кешке жылу бердік. Бірақ ауа құбырларда қалуы мүмкін, ны шығарумен арнайы бригада айналысып жатыр», – деді облыстық тұрғын үй-коммуналдық шаруашылық басқармасы басшысының орынбасары Данияр Ысқақов.
