Шымкенттік азамат туған күнін ерекше атап өтуге шешім қабылдады. Ол достарын «сыбағасыз» қалдырғысы келмесе керек. Енді алдағы 5-10 күнді темір тордың ар жағында өткізеді
1 желтоқсан күні сағат 20:30 шамасында бұрын сотталған А.С. есімді азамат туған күнінде Шымкент қаласындағы ИЧ-167/3 қауіпсіздігі орташа мекемесінің (жалпы режимдегі колония) аумағына есірткі өткізбек болды.
Мекеменің жедел бөлімшесінің қызметкерлері Шымкент қаласы бойынша Абай атындағы ПІБ-нің қызметкерлерімен бірлесіп, 38 жастағы ер адамды ұстады, одан 2 қапта есірткі заты, белгісіз шприц, пышақ, скотч тәркіленді. Қалтасында "Трамадол" дәрісінің 30 данасы бар екен.
Ер адам 5 жылдан 10 жылға дейінгі мерзімге бас бостандығынан айырылуы мүмкін (ҚР ҚК-нің 297-бабы. Өткізу, жөнелту немесе өткізу мақсатында заңсыз дайындау, қайта өңдеу, иемдену, сақтау, тасымалдау. Есірткі құралдарын, психотроптық заттарды, сол тектестерді өткізу, жөнелту немесе өткізу мақсатында заңсыз өндіру, қайта өңдеу, иемдену, сақтау, тасымалдау 1-бөлім. мүлкі тәркіленіп, бес жылдан он жылға дейін).
Аталған факті сотқа дейінгі тергеп-тексерудің бірыңғай тізіліміне тіркелді.
