Нұр-Сұлтан қаласында өткен Қазақстан Республикасы Президентінің «Алтын сапа» және «Парыз» сыйлығының лауреаттарын салтанатты түрде марапаттау рәсімінде «Ұлы дала елі» жыл сайынғы сыйлығының иегері анықталды. Бұл жеңіс шымкенттік «Мега Смарт» ЖШС компаниясына бұйырды.
Сылйықты директордың міндетін атқарушы Руслан Бабатаев алды.
Серіктестік басшысы – Сергей Хегай. Ол сондай-ақ, Шымкент қаласы Кәсіпкерлер палатасының өңірлік кеңесінің мүшесі.
Mega Smart компаниясы POLYGLOSS технологиясын қолдана отырып, жылтыр бедерлі MDF панельдерін шығарады. Зауыт Оңтүстік Корея технологиясы бойынша салынып, іске қосылды. Бұл мекеме дайын өнімді дилерлік желі арқылы ТМД елдеріне: Өзбекстан, Қырғызстан, Тәжікстан, Ресей және Белоруссияға жеткізеді. Сондай-ақ жиһаз, оның ішінде соңғы трендтер мен тұтынушылардың талаптарына жауап беретін MEGA ART брендімен ас үй жиынтықтарын шығарады. «Mega Smart» ЖШС жиһаз өнеркәсібінде еліміздегі көшбасшылардың бірі болып табылады. Кәсіпорын ғылым мен техниканың соңғы жетістіктерін енгізеді, олардың негізінде жаңа өнім түрлерін жасап шығарады.
Бүгінгі күні Mega SMART : жиһаз шығаратын жоғары білікті мамандардың командасы, 7000 шаршы метрден астам жеке өндіріс алаңы, жаңа материалдарды жасау және сапаны бақылау зертханасы, әрлеу тақтай бұйымдарының жеке өндірісі, дилерлік желі. ТМД-да 1000 шаршы метрден асатын көрме залдары, ас үй және кеңсе жиһазының өзіндік әзірлемелері, автоматтандырылған жиһаз өндірісі, CNC басқаруымен заманауи еуропалық жабдықтар паркі, сенімді әлемдік серіктестер.
«Ұлы Дала Елі» премиясы Қазақстан брендін халықаралық нарықтарда ілгерілететін Қазақстанның үздік отандық өндірушілеріне беріледі. 2016 жылдан бері 16 отандық экспорттаушы конкурс жеңімпазы атанып, «Ұлы Дала Елі» қолшатыр брендін пайдалану құқығына ие болды.
