Шымкентте 10 күндік «Қауіпсіз жол» іс-шарасының қорытындысы бойынша көлік жүргізушілері жасаған 9805 әкімшілік құқық бұзушылық анықталды, деп хабарлайды Шымкент қалалық ІІБ баспасөз қызметі.
Көлік тәртібін жақсарту, жол-көлік оқиғаларының санын азайту, жол қозғалысы ережелерін бұзудың алдын алу мақсатында 8-17 қараша аралығында Шымкент қаласы аумағында «Қауіпсіз жол» профилактикалық іс-шарасы өткізілді.
Шара барысында жолаушылар көлігі және автомобиль жолдары басқармасының көліктік бақылау инспекциясы, көлік прокуратурасы өкілдерінің қатысуымен жол қозғалысы ережелерін бұзу фактілерін анықтау мақсатында рейдтік іс-шаралар жүргізілді.
10 күнге созылған шара нәтижесінде көлік жүргізушілері тарапынан жасалған 9805 әкімшілік құқықбұзушылық анықталып, 210 автокөлік уақытша ұстау изоляторына жеткізілді.
Сондай-ақ, 632 шақырым жол тексеріліп, оған 216 жол белгісі орнатылды.
Тәртіп бұзушылар әкімшілік жауапкершілікке тартылды:
- конверсияланған көлік құралын тиісті рұқсатсыз басқарған 84 жүргізуші жазаға тартылды (ҚР ӘҚБтК-нің 590-бабының 7-бөлігі);
- көлікті мас күйінде басқарғаны үшін (ҚР ӘҚБтК-нің 608-бабы) - 60 жүргізуші.
