08 қазан, 23:30
Жоғалған сөмкені табу үшін Шымкент полицейлеріне жарты сағат қажет болды
Әл-Фараби аудандық полиция басқармасының қызметкерлеріне жергілікті тұрғыннан оның жеке құжаттары салынған сөмкесінен айырылғаны туралы хабар келген. Тұрғынның айтуынша ол сөмкесін саябақта серуендеп жүргенде жоғалтып алған.
Жедел іс-қимылдардың нәтижесінде тәртіп сақшылары жарты сағаттың ішінде дүкеннен жоғалған сөмкені тауып алып, азаматшаға қайтарып берді. Азаматша қол сөмкесін орындыққа қалдырып кеткен екен, сөмкені көрген кездейсоқ жүргінші оны алып, дүкенге апарып берген.
Өз кезегінде, азаматша полиция қызметкерлеріне тиімді жұмысы мен немқұрайлы қарамағаны үшін шын жүректен алғысын білдірді.
Сондай-ақ, полицейлер Шымкент тұрғындарына адамдар көп жиналатын орындарда өздерінің жеке заттарына мұқият болуды ұсынды.
