Мәселе мынада, қала тұрғыны үй ішінде де қозғала алмайды, көшеге де шықпайды
Оған шымкенттік полицейлер үйінде құжаттарын рәсімдеуге көмектескен. Олар жеке куәлік алу үшін әйедің үйіне келген. Оның құжатының мерзімі өтіп кетіпті. Әйелдің күйеуі сақшыларға шексіз алғысын білдірді.
Айта кету керек, Абай, Әл-Фараби, Еңбекші, Қаратау аудандық ішкі істер бөлімдерінің көші-қон қызметі қызметкерлері мүгедектер мен қарт азаматтардың үйінде құжаттарын нақтылау бойынша қызмет көрсетуді жалғастыруда.
Қызметкерді үйге шақыру үшін азамат немесе оның қамқоршысы 1414 бірыңғай байланыс орталығына хабарласып, қызметке сұраныс қалдыруы қажет. Осыдан кейін «Азаматтарға арналған үкімет» мекемесінің мамандары өтініш берушіге хабарласып, құжаттардың толықтығын нақтылап, үй жағдайында мемлекеттік қызмет көрсету күні мен уақытын белгілейді. Олар өтінішті қабылдағаннан кейін жеті жұмыс күнінен кешіктірмей көрсетілетін қызметті алушыға баруы тиіс.
