22 тамыз, 11:10
Түркістан облысында полиция қызметкерлері" ізін суытпай " алмұрт ұрлаған әйелді ұстады, деп хабарлайды Polisia.kz.
Түлкібас АІІБ-нің кезекші бөліміне жергілікті тұрғындардың бірі алмұрт ұрлаған туралы арызданған. Оның айтуынша, белгісіз тұлғалар бау-бақша шаруашылығына кіріп, жиналған 20 кг алмұрт ұрлап, 8 мың теңгеге шығын келтірген. Бұл факт ҚР ҚК-нің 188-бабы "Ұрлық"бойынша Түлкібас АІІБ-не тіркелді. Іздестіру барысында тәртіп сақшылары" ізін суытпай " ұрланған алмұртпен күдіктіні ұстады. Ол бұрын сотталмаған жергілікті тұрғын болып шықты. Полицейлер анықтағандай, ұрланған жемістерді әйел қыстық азыққа сақтамақшы болған. Күдікті іс-әрекетін толық мойындады. Оны қолхат арқылы бостандыққа жіберді.
Түркістан облысының полицейлері азаматтарға өз аулалары мен шаруашылық аулаларының қоршауларын нығайту, сондай-ақ мүмкіндігінше бейнебақылау камераларын орнату қажеттілігі туралы ескертеді. Егер сіз бөтеннің мүлкін ұрлаудың құрбаны немесе куәгері болсаңыз, дереу 102 телефонына хабарласыңыз.
Автор:
Elitar.kz
