Әл-Фараби ауданындағы «Сәуле» шағынауданы мен «Бадам» тұрғын алабының тұрғындарын сапалы интернетпен қамтамасыз ету мақсатында Шымкент қаласының цифрландыру бөлімі жеке инвесторларды тартты.
Бүгінгі күні аталған елдімекендердің орталық көшелеріне «Спецавтоматика сервис» ЖШС талшықты-оптикалық желіні толығымен тартып, жалпы ұзындығы 20 шақырым абоненттік кабель тартылды.
Жыл соңына дейін Сәуле және Бадам елді мекендерінің 12 мыңнан астам тұрғыны сапалы интернетпен қамтамасыз етіледі. Қазірдің өзінде бұл аудандардағы 100-ден астам үй сапалы интернетке қосылған.
