2021 жылдың бірінші жартыжылдығында қалаға келген туристер саны екі есе өсіп, 158 224 адамға жетті. Бұл көрсеткіш өткен жылдың бірінші жартыжылдығында 69 945 еді. Сәйкесінше, 6 айда қала экономикасындағы кіріс көлемі 9,5 миллиард теңгеге жетті. Жыл соңына дейін бұл көрсеткішті екі есеге арттыру жоспарлануда.
Басқарма басшысы есепті кезеңде 4 негізгі бағыт бойынша атқарылған жұмыстарды баяндады. Маркетингтік ілгерілету бағытында қонақтарды қаланың көрікті жерлерімен таныстыру үшін «Visit Shymkent» туристік ақпараттық орталығы құрылды. Орталықтың негізгі мақсаты – «бір терезе» қағидаты бойынша қала тұрғындары мен қонақтарына ақпараттық-кеңес беру көмегін көрсету. Жалпы орталықта 115 тегін экскурсия ұйымдастырылып, 11 мыңға жуық туристке қызмет көрсетілді.
Туристерді ақпаратпен қамтамасыз ету үшін VISIT-SHYMKENT.KZ туристік порталы мен мобильді қосымшасы іске қосылды. Қазіргі таңда туристік ақпараттық жүйеге қаладағы 700-ден астам нысан мен туризм саласының өкілдері кқатысады.
