Абай аудандық полиция бөліміне ұлының жоғалғаны туралы жергілікті тұрғыннан хабарлама келіп түскен. Әкесінің айтуынша, 11 жастағы жасөспірім дүкенге кетіп, жоғалып кеткен, деп хабарлады Шымкент қалалық ДП баспасөз қызметі. Осы хабарлама бойынша, полиция қызметкерлері жедел-іздестіру іс-шараларына кіріскен. Нәтижесінде полицейлер баланы тауып, ата-анасына аман-есен қайтарды. Жасөспірім достарына барып, ата-анасына ескертуді ұмытып кеткен болып шықты.
Өз кезегінде ата-аналар полиция қызметкерлеріне жедел жұмыс жасағаны үшін алғыстарын білдірді.
