Нұр-Сұлтанда өткен президенттік «Алтын сапа» сыйлығының 15 жылдығына арналған салтанатты марапаттау рәсімінде шымкенттік тағы бір жеңімпаз анықталды. Бұл жолы «Үздік өнеркәсіптік кәсіпорын» номинациясында "ЭкоФарм Интернейшнл" компаниясы болды.
Компанияны Жузенова Гулия Бексұлтанқызы басқарады.Ол сондай-ақ, Шымкент қаласы Кәсіпкерлер палатасының өңірлік кеңесінің мүшесі.
Бұл мекеме AVATUBE сауда белгісі бар медициналық өнімдерді шығарады (веноздық қанды, плазманы және қан сарысуын әртүрлі реагенттермен жинауға, сақтауға және тасымалдауға арналған бір реттік стерильді вакуумдық түтіктердің 65 атауы, стерильді медициналық екі жақты бір рет қолданылатын инелердің 13 түрі, 2 түрі ине ұстағыштар). Кәсіпорын заманауи технологиялық желілермен жабдықталған (Швейцария, Оңтүстік Корея, Австрия және Германия). Медициналық бұйымдарды зарарсыздандырудың инновациялық әдісі – этилен оксиді енгізілді.
Қан алу кезінде науқастың қанымен жанасу алынып тасталады, бұл пациент пен медицина қызметкерінің қауіпсіздігіне кепілдік береді. Пробиркаларды алдын ала дайындаудың және реагенттерді мөлшерлеудің қажеті жоқ, бұл зертханалық зерттеулер кезінде нәтиженің кепілді дәлдігін бере
«ЭкоФарм Интернейшнл» ЖШС шығарған веноздық қанды, қан плазмасын және қан сарысуын жинауға және сақтауға арналған бір реттік стерильді вакуумдық түтіктер сапасы жағынан үздік шетелдік аналогтардан кем түспейді және бағасы да төмен.
2020 жылы кәсіпорын 50,7 млн дана өнім шығарды. Бүгінде кәсіпорында 181 адам жұмыс істейді.
