Тұмауға қарсы вакцинациялау 15 қарашаға дейін созылады.
Вирустық ауру организмнің иммундық қорғанысына қатты соққы береді. Адам көптеген тыныс алу және жұқпалы ауруларға шалдыға бастайды. Бұдан басқа, короновирус пандемиясы әлемге белсенді түрде таралуда. Денсаулық сақтау министрлігі тек ковид инфекциясына қарсы ғана емес, тұмауға қарсы да екпе алуды ұсынады.
Клиникалар тұмауға қарсы вакцина бөліктерін алды. Маусымдық аурудан алғашқылардың бірі болып Шымкент қаласының бас дәрігері екпе алды. Бақытжан Позилов вакцинаны тез арада қабылдау туралы шешім қабылдағанын айтады: егер адамның дені сау болса, оның жанама әсері болмайды.
«Соңғы 10 жылда мен жыл сайын тұмауға қарсы екпе алалмын, бүгін де келдім. Осыдан бір минут бұрын ғана маған Gripol Plus вакцинасы егілді. Тұмау маусымы басталатынын және жұқтыру қаупі үлкен екенін білемін. Вакцинация алдында мені дәрігер тексерді, қысымымды өлшеді, бірқатар сұрақтар қойды. Мен науқастың келісім парағын толтырдым. Екпенің орны ауырмайды, 30 минут отыру керек, кейін тағы да тексереді. Инъекциядан кейін шомылуға және ішімдік ішуге болмайды», - дейді Бақытжан Позилов.
Сондай-ақ, тұмауға қарсы екпе алуға 79 жастағы зейнеткер де шешім қабылдаған. Әбдіғали Әлімбеков күлімсіреп, ұзақ өмір сүруге ниеттеніп отырғанын айтады. Вакцинацияның арқасында қыста өте сирек ауыратынын жасырмады.
Эпидемиологтардың айтуынша, тұмаумен сырқаттанудың шегі қазан айында болады. Бірінші КОВИД-19 вакцинасын қабылдап, кейіннен ғана тұмауға қарсы екпе жасау қажет. Инъекциялар арасында үш аптадан кем емес үзіліс болуы қажет.
Короновирустың вакцинасы мен тұмауға қарсы вакцина екі бөлек.- Сондықтан екі инфекцияға да қарсы екпе жасау қажет. Короновирустың вакцинасының екінші компонентін алғаннан кейін, 20-30 күннен соң тұмауға қарсы тегін екпе алуға болады. Барлық мемлекеттік және жеке меншік емханаларда тұмауға қарсы екпе жасалынады», - дейді Бақытжан Позилов.
Ең алдымен дәрігерлер жүкті әйелдерді, зейнеткерлерді, созылмалы аурулары бар адамдарды және жиі ауыратын балаларды күтеді. Тұмау жүйке жүйесіне, буындар мен тыныс алу мүшелеріне әсер етеді. Дәрігерлер балаларды 6 айдан бастап вакциналандыруды ұсынады.
«Егер балалар жиі ауыратын болса не денсаулығына қауіп төніп тұрған жағдайда, міндетті түрде екпе қабылдауы қажет», - деп кеңес береді мегаполистің бас дәрігері.
Көптеген ата-аналар вакцинаны аурудың алдын алудың жақсы әдісі деп есептеп, өз еркімен балаларын тұмауға қарсы вакциналандыруға барады. Екпе жасағысы келетіндер өз клиникасына жүгінуі тиіс. Вакцина тегін жасалынады.
Қалалық емханаларда вакцинаға сұраныс аса байқалмайды. Бәрі ойдағыдай өту үшін науқастың дені сау болуы керек.
