Ветеринариялық бақылау комитетінің үшінші мегаполис бойынша аумақтық инспекциясының өкілдері Шымкентте сібір жарасы жұқтырылғаны туралы бұрын тараған ақпаратты жоққа шығарды.
Инфекцияға күдік туындаған жағдайлар болды, біз тексеріп, бірнеше талдау жасадық, нәтижесі теріс, деп сендірді департаменттегілер.
«Ақпарат дұрыс емес, Шымкентте сібір жарасын жұқтырғандар жоқ. Біз барлық жұмыстарды жүргіздік, сараптама актісі бойынша үлгілер теріс нәтиже көрсетті», - деді Ветеринариялық бақылау комитетінің үшінші мегаполис бойынша инспекциясының өкілі Ерлан Аманбаев.
Бөлім сібір жарасына күдікті жануарлардан инфекция анықталмаған деп жауап берді.
