Жәрмеңкеге қаланың кәсіпкерлері мен Түркістан облысының Төлеби,Түлкібас, Сайрам, Ордабасы, Отырар аудандарының 200-ден астам тауар өндірушілері қатысуда. Жәрмеңкеде жергілікті тауар өндірушілер мен шаруа қожалықтары өз өнімдерін нарықтық бағадан 10-15% төмен бағамен сатады.
Қала тұрғындары ет және сүт өнімдерімен қатар бақша өнімдері мен жеміс-жидектерді делдалдарсыз сатып алу мүмкіндігіне ие болды.
Айта кетейік, апта сайын сәрсенбі, сенбі және жексенбі күндері жәрмеңке «Фосфорник» мәдениет үйінің жанында, Қажымұқан атындағы Орталық стадионның, «1000 үшбұрыш» дүкенінің және «Рахима Плаза» сауда орталығының жанында өткізіледі.
