Шымкенттің Еңбекші ауданына қарасты Жалын ауылын сапалы электр қуатымен қамтамасыз ету үшін құрылыс қарқынды жүргізілуде.
Қазіргі таңда «Ынтымақ Бес Арыс» ЖШС мердігерлік ұйымы 550 электр бағанасын орнатып, құрылыс жұмыстарын 85 пайызға орындапты.
Толық құрылыс жұмыстары 2021 жылдың қазан айында аяқталады деп жоспарлануда. Жоба бойынша ұзындығы 25 шақырымды құрайтын электр желілері тартылып, 700 бағана орнатылады.
Одан кейін «ОңтүстікЖарықТранзит» ЖШС әр үйге жеке есепшот ашып, электр қуатына қосады. Нәтижесінде Жалын ауылындағы 1290 отбасы сапалы электр энергиясымен қамтамасыз етіледі.
