09 қараша, 17:54
«Нұр-Отан» партиясының сайлауалды бағдарламасындағы "Жол картасын" жүзеге асыру аясында елімізде биыл пайдалануға берілетін жатақханалардағы 10 мыңға жуық жаңа орынның 1 112-сі Шымкент қаласына тиесілі.
"Шымкентте жеке инвесторлар есебінен 7 жатақхана салынуда. Биыл біз 1503 орындық жатақхананы ашамыз, бұл жоспарланғаннан 35 пайызға артық. 2025 жылдың соңына дейін жалпы саны 3150 орындық жатақхана болады», - деді қала әкімі Мұрат Әйтенов.
Айта кетейік, қыркүйекте жеке инвестор Шарипа Утюбаева салған бес қабатты жатақхана пайдалануға берілген еді. Мұнда 183 бөлме бар, онда 350-ге жуық студент тұрады. Негізінен Әуезов университетінің студенттері. Әр қабатта тоңазытқыштар мен электр плиталары бар ас үй бар. Ғимараттың өзінде кітапхана, асхана, душ, кір жуатын орын бар. Жатақханадағы қауіпсіздік камералары әр қабатта және сыртқы аумақтың бүкіл периметрі бойынша орнатылған бірнеше бейнебақылау камералары жауап береді.
М.Әуезов атындағы ЮКУ-дың 1-курс студенті Сара Тәжібай жатаөханаға қазан айында келіпті. Қыздың айтуынша, ол бұрын пәтер жалдауға мәжбүр болған:
«Мен достарыммен пәтер жалдадым. Ол үшін ай сайын 20 мың теңге төледім. Оның үстіне жол жүруге жарты күн кететін, сабаққа кешігіп баратынмын. Маған бұл жер ұнайды, таза әрі ыңғайлы, студенттерге барлық жағдай жасалған».
Еліміздің үшінші мегаполисіндегі 8 жоғары оқу орнында 75 022 студент, сондай-ақ 32 колледжде 31 770 шәкірт білім алуда.
