Шымкентте кәсіпорын директоры 180 тоннадан астам мазутты заңсыз сатқаны үшін сотталды, - деп хабарлайды ҚР АФМ баспасөз қызметі.
Агенттіктің Шымкент қаласы бойынша аумақтық департаментінің қызметкерлері 180 тоннадан астам мазуттың шығу заңдылығын растайтын құжатсыз сату фактісін анықтады.
«Alma Oil Trading» ЖШС директоры Ж.Накипов белгісіз біреуден мазут сатып алып, кейіннен Сарысу ауданы әкімдігінің тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөліміне заңсыз сатып жіберген.
Барлығы 17 миллион теңгеден астам жанар-жағармай сатып алынған.
Ж.Накипов 3,5 жылға шартты түрде бас бостандығынан айырылды.
