Шымкенттік тұрғынның карантинге қарамастан той жасағаны туралы полиция департаментінің баспасөз қызметі хабарлады.
Үшінші мегаполис сақшылары күн сайын қаланың бас мемлекеттік санитарлық дәрігерінің қаулысы талаптарының бұзылуын және орындалмауын алдын алу бойынша рейдтік шараларды жүргізеді. Егер бұзушылар анықталса, оларға қатысты құжаттар жиналып Қазақстан Республикасының ӘҚБтК -нің 425 -бабы «Халықтың санитарлық -эпидемиологиялық салауаттылығы саласындағы заңнамалық талаптарды бұзу, сонымен қатар гигиеналық нормалар» бойынша әкімшілік шаралар қолдану үшін тиісті мекемеге жолданады.
Қаратау ауданының полицейлері жүргізген кезекті рейд барысында қала тұрғынының өз үйінің ауласында беташар тойын өткізіп жатқаны анықталды. Шараға 50-ден астам адам жиналыпты. Тәртіп сақшылары карантин талаптарын бұзудың алдын алу бойынша түсіндіру жұмыстарын жүргізді. Той ұйымдастырушыдан түсіндірме хат алынды. Жиналған құжаттар аудандық санитарлық -эпидемиологиялық бақылау бөліміне жіберілді.
