Қала әкімінің орынбасары Білісбеков алдағы уақытта ашылатын зейнеткерлер мен көпбалалы аналарға әлеуметтік қызмет көрсету орталықтарын аралап көрді.
Білісбеков ғимаратта бірінші кезекте заманауи дизайн, пандус, желдету, лифтке қолайлылық пен автотұрақ болуы керектігін атап өтті.
Шымкент қалалық жұмыспен қамту және әлеуметтік қорғау бөлімінің басшысы Б.Нарбекова қазіргі таңда «Асыл жүрек» әлеуметтік медициналық орталығының жартылай стационарында зейнет жасына жеткен азаматтарға арнаулы әлеуметтік қызмет көрсетілетінін хабарлады.
Орталыққа келушілерге жоғары және бірінші санатты кардиолог, терапевт, невропатолог және физиотерапевт қызмет көрсетеді. Физиотерапия жаттығуларынан басқа йога, би, бильярд, үстел теннисі, дене шынықтыру жаттығулары қарастырылған. Сондай-ақ көрсетілетін қызметті алушылардың кинотеатрда, сенсорлық бөлмеде, кітапханада демалу мүмкіндігі бар. Маман психологтан кеңес алып, психологиялық тренингтерге қатысыңыз.
