Қазан айының басында Д.Қонаев даңғылы, қараша айында Т.Рысқұлов көшесін ашу жоспарлануда.
Бастапқыда жоба 2 жылға есептелген еді.
Шаң-тозаң, құрылыс техникасының шуы: Рысқұлов-Қонаев көшелерінің қиылысындағы құрылыс қарқынды жүргізілуде. Құрылысшылар жұмысты уақытында аяқтауы керек. Сол себепті, жұмыс тәулік бойы жүргізілуде, өйткені көптен күткен жолдың ашылуына санаулы күндер қалды. Нысанның басқарушы директоры Владислав Горемыкиннің айтуынша, орасан зор жұмыс атқарылуда. Бірақ жаңа жол айрығы көлік кептелісін азайтып, жол қозғалысына қатысушылардың барлығына қолайлы жағдай жасайды.
«Біз инженерлік желілердің коммуникацияларын қайта орнаттық, Қонаев көшесінің бойындағы тоннельдің тірек қабырғаларының құрылысы аяқталуға жақын, сақинаны құрайтын екі жол өтпесі жабылды», - дейді жол айрығының басқарушы директоры Владислав Горемыкин.
Шымкентте жол айрығын салу идеясы осыдан 4 жыл бұрын пайда болыпты. Ауқымды жобаны жүзеге асыру 2020 жылдың қазан айының ортасында басталып, бұл мақсатқа республикалық бюджеттен 7 миллиард теңге бөлінді. Нысан құрылысының мердігері «Базис Контракт» ЖШСсмойнына алды.
Д.Қонаев даңғылындағы жол қиылысының жалпы ұзындығы 1030 м, ал Т.Рысқұлов көшесінде 684,7 м жолдың ені 45 метрді құрайды.
«Қазан айының ортасынан бастап Қонаев көшесін жауып, бұрғылау жұмыстарын бастадық, сосын Бәйдібек биді жауып тастадық. Туннель бөлігінде жұмыс жүргізілді », - дейді Владислав Горемыкин.
Жаңа жол айрығы – жүру бөлігінің алты жолағы бар өздігінен реттелетін айналма жол. Қонаев даңғылы бойындағы сақина астынан төрт қозғалыс жолағы бар тоннель төселді. «Бұл жерде айналмалы қозғалыс жүргізіліп, бұл жаяу жүргіншілер аймағында шағын архитектуралық құрылымдар орналастырылады. Біз тәулік бойы жұмыс істейміз. Әкімнің тапсырмасы бойынша қазан айының басынан бастап көлік қозғалысын бастау керек. Біз бригаданы күшейттік », - деді Владислав Горемыкин.
2023 жылға қарай Шымкентте төрт жол айрығы пайда болады. Қонаев даңғылы мен Рысқұлов көшесінің қиылысынан бөлек, олар Бәйдібек би даңғылы мен Арғынбеков, Бәйдібек би көшелері мен Төлеметова, Жібек жолы және Сайрам көшелерінің қиылысында бой көтереді деп жоспарлануда.
