10 қыркүйек, 21:47
Бүгін Қазақстан Республикасы Тәуелсіздігінің 30 жылдығына орай қала әкімі Мұрат Әйтеновтің жетекшілігімен төрт ауданда Жастар ресурстық орталығының бөлімшелері ашылды.
Филиалдың ашылуына Шымкент қаласының әкімі Мұрат Әйтенов, қалалық мәслихаттың хатшысы Бахадыр Нарымбетов, Қаратау ауданының әкімі Абзал Әліқұлов, сондай-ақ «Қазақстан жастары конгресі» қауымдастығының атқарушы директоры Тоқтар Болысов қатысты.
Орталық 5 негізгі бағыт бойынша жұмыс істейді: жастарға қызмет көрсету, дарынды жастарды қолдау, коворкинг орталығы, шағын кітапхана, психологиялық кеңес беру.
Ғимараттың орналасқан жеріне ерекше назар аударылған, жақын жерде 2 мектеп, 4 білім ошағы, саябақ, аллея, театр, мәдениет үйі, кітапхана, аула клубы, 50-ге жуық көпқабатты тұрғын үйлер бар. Бұл жастармен ыңғайлы жұмыс істеуге және бос уақытты тиімді өткізуге мүмкіндік береді.
Орталық жұмысымен танысып, жастармен әңгімелескен қала әкімі «Қазақстан жастары конгресі» заңды тұлғалар бірлестігінің атқарушы директоры Тоқтар Болысовпен ынтымақтастық туралы меморандумға қол қойды.
