Талапкер Айтпай Дүйсебаев сот шешіміне дән риза. Енді ол балаларымен бір шаңырақ астында тұрады.
Сот ғимаратынан шыға сала Айтбай Дүйсебаев қызымен қуанышты хабармен бөлісті. Бұл шешімді өзі ғана емес, тағдырдың жазуымен балалар үйіне түскен балалары да асыға күтті. Әйелін өлтірді деп айыпталған ер адам өмірінің 6 жылдан астамын темір тордың ар жағында өткізген. Абақтыдан келсе, үйі сатылып, базыбіреулер тұрып жатқанын біледі. Осылайша ол 2019 жылдан бастап тұрғылықты жері жоқ адамдарға арналған әлеуметтік мекемеде тұруға мәжбүр болды.
"Мен бұл шешімді 2019 жылдан бері күттім. Әділдік салтанат құрды. Жан дүниемде не болып жатқанын жеткізе алмаймын", - дейді Айтпай аға.
Бірінші сатыдағы соттың шешіміне қатысты шағымды Шымкент қаласының алқалы соты қарады. Дүйсебай ағаның үйін басып алған Гүлжан Мамырова Қаратау аудандық сотының Қайнарбұлақ саяжайындағы үйді босату туралы шешімімен келіспей, аппеляциялық шағым түсірген болатын.
"Айтбай Дүйсебаев мені ағасынан үйді заңсыз сатып алды деп айыптап отыр. Неге мен ешқандай құжатсыз үй сатып алуым керек. Осы үйді реттедім, қосалқы қожалық қостым, жарық қойдым", - деді ол сотта.
Айтпақшы, шағым қаралып жатқанда Айтбайдың ата-аналық құқығы шектеліп қала жаздады, бірақ жалғызілікті әке ол сотты да жеңіп шықты. Бүгін апелляциялық алқа соты екі тарапты мұқият тыңдап, қолдарында бар құжаттардың заңдылығын тексеріп, Айтбай Дүйсебаевқа тиесілі үйді босату туралы шешімді өзгеріссіз қалдырды.
Судьяның айтуынша, тараптар үкіммен келіспеген жағдайда қаулы заңды күшіне енген күннен бастап 6 ай ішінде Қазақстан Республикасының Жоғарғы Сотына өтінішхатпен шағымдануға құқылы.
Ештеңеге қарамастан балаларымен емін-еркін өмір сүру үшін күресіп келе жатқан Айтбай ағаның тағдырын жіті бақылап келеміз. Енді мемлекеттік органдардың еншісінде. Дәл осы сәулет бөлімі үйге меншік құқығын растайтын құжаттарды нақты иесі Айтпай Дүйсебаевқа беруі керек. Шенеуніктердің өз міндеттерін қаншалықты жылдам орындайтынын уақыт көрсетеді.
