Шымкенттегі No2 қалалық ауруханада ми инсультін анықтауға арналған жасанды интеллект жүйесі іске қосылды. Жаңа әдіс инсультті 10 минут ішінде анықтауға мүмкіндік береді.
№2 қалалық аурухана базасында CEREBRA жүйесі ұсынылды. Шара барысында жаңа жүйемен жұмыс істеу әдіс-тәсілдері мен ауруды ерте кезеңде анықтаудың маңыздылығы жан-жақты түсіндірілді. Жаңа жобаның көмегімен медицина қызметкерлері инсультті ерте анықтап, ишемияға бейім аймақты бірден танып, дер кезінде емдеуді бастап, ота жасауға қарсы көрсетілімдердің бар-жоғын анықтап, дер кезінде емдеу шараларын қабылдай алады.
Дәрігерлердің айтуынша, инсульттің кешігуіне адам факторы үлкен әсер етеді. Ал «CEREBRA» жобасы инсультті 10 минут ішінде тануға және инсульттің өзегіндегі ұлпа тығыздығының өзгерісін есептеуге көмектеседі.
Бүгінгі таңда бұл жобаға 6 қала мен 8 инсульт орталығы қосылған. Болашақта жасанды интеллект неврологияда да қолданылатын болады.
Ресми деректерге сүйенсек, елімізде жыл сайын 40 мыңнан астам адам инсульттан зардап шегеді. Жыл сайын аурудың түрі жасарып келеді. Мамандар елімізде инсульттің алдын алу үшін ерте диагноз қойып, науқастардың емделу мүмкіндігін арттыру керектігін баса айтады.
