03 қыркүйек, 15:05
Шымкент қалалық жұмыспен қамту және әлеуметтік қорғау басқармасы жанынан құрылған әлеуметтік «мобильді» патруль қала көшелерінде қиын өмірлік жағдайға тап болған адамдарды анықтайды. Патрульдік полиция қызметкерлері Жоғарғы базарды аралап жүрген азаматтарды орталыққа, Құрманбеков көшесіндегі N1 қалалық аурухананың алдынан және Республика даңғылының бойындағы «Көмеш-бұлақ» базарының аумағынан жеткізіп жатыр.
"Орталыққа жеткізілген азаматтарға алғашқы медициналық көмек көрсетілді. Жеке гигиеналық жұмыстар жүргізілді, төсек-орын жабдықтарымен қамтамасыз етілді. Алдағы уақытта әлеуметтік көмек түрлерін анықтайтын боламыз", - дейді мекеме басшысы Мұхит Нышамбаев.
Орталықта қазір 140-тан астам азамат қызмет алуда. Орталықта көрсетілетін қызметті алушыларға әлеуметтік көмек көрсетіледі: құжаттарды рәсімдеу, медициналық тексеруден өту, қажет болған жағдайда медициналық ұйымдарға орналастыру, жұмысқа орналастыру, тұрғын үйге кезекке тұру.
