Көмірқышқыл газын өңдеу зауытының жобасын инвестициялық штаб отырысында «РЕТ» ЖШС өкілі таныстырды.
Жобаның құны 3,5 миллион АҚШ долларын құрайды. 2022-2023 жылдарға жоспарланған жоба тәулігіне 40 тоннадан астам көмірқышқыл газын өңдеуге қауқарлы.
Қалдықтарды қайта өңдеу үлесін арттыру қажеттігін тілге тиек еткен қала әкімі М.Әйтенов осы жобаны жүзеге асыруға барынша қолдау көрсетуді тапсырды.
Егер жоба жүзеге асса Шымкенттегі экологиялық жағдай жақсарады, ал екі қолға бір күрек таба алмай жүрген жандар үшін жаңа жұмыс орындары ашылады деп жоспарлануда.
Түтін газдары атмосфераға көмірқышқыл газының антропогендік шығарындыларының негізгі көзі болып табылады. Түтін газдарын залалсыздандырудың бір әдісі - олардан көмірқышқыл газын шығару. Көмірқышқыл газы тамақ өнеркәсібінде кеңінен қолданылады.
