Мемлекеттік мұрағат ғимаратында «Шымкент қаласының Құрметті азаматтары» жинағының тұсаукесері өтті. оған қала әкімінің бірінші орынбасары Шыңғыс Мұқан, қаланың құрметті азаматтары, зиялы қауым мен жастар қатысты.
Кітаптың алғашқы 1000 данасы қаладағы кітапханалар мен оқу орындарына таратылатыны хабарланды.
Жинаққа 1967-2021 жылдар аралығында Шымкент қаласының дамуына зор үлес қосқан әр саланың 145 қайраткерінің өмірбаяны мен еңбектері топтастырылған. Кітапқа енген тұлғалардың есімдері тек оңтүстік өңірге ғана емес, еліміздің шекарасынан тысқары жерлерге де белгілі.
Олардың қатарында белгілі композитор Шәмші Қалдаяқов, мемлекет қайраткері Асанбай Асқаров, қоғам қайраткері Әділ Сасбұқаев, белгілі жаттықтырушы Мырзағали Айтжанов және басқа да белгілі тұлғалар бар.
Шымкент қаласы әкімінің орынбасары Шыңғыс Мұқанның айтуынша, «Шымент энциклопедиясы» осы мегаполистің бүкіл тарихының әріптесі болуды көздейді:
«Биыл Тәуелсіздігімізге 30 жыл толып отыр. Бұл белес – өткенімізге ой жүгіртіп, болашағымыздың бағдарын айқындайтын кезең. Қаламыздың жаңаруына көптеген ұрпақтар үлес қосты. Қаланың қалыптасуында жарқын із қалдырған талай қайраткерлердің есімі қазірдің өзінде ұмыт болды. Осыған орай, қала әкімінің тапсырмасымен «Шымкент энциклопедиясы» шығады. Осы жобаның бастамасы ретінде бүгін біз «Шымкент қаласының Құрметті азаматтары. Бұл кітап жас ұрпаққа, қалың жұртшылыққа шымкенттік дарынды тұлғалар туралы айтып, қала тұрғындарының интеллектуалдық әлеуетін арттырады деп сенемін», - деді Шымкент қаласы әкімінің бірінші орынбасары Шыңғыс Мұқан.
